الطاغية

ما كفاك ألم..
مشواري معاك
ما كفاك ندم..
جرعني هواك
ما كفاك ! أني تمنيتك معاك
أعيش بك.. وأشرب رضاك
وش أسولفلك .. وأقول
يا حبي العذب ..الخجول
جاوزتبي حد العقول
نسيت العُرف .. تعديت الأصول
وأنا معاك نسيت أقول..
يكفيني ذل .. وذهول
وأنت جراحي منتهاك وتترجاك !
وأنت ولا كفاك!!

*************

يا حب .. جرحتني القيود
طبعك .. ياحب منقود
حررني تكفا..
مأساتي .. حياتي منفى
أيامي .. ليالي سود
أن تكلمت مجحود
وإلا تغاضيت مفقود!
مليت يا حب الجحود.
يا طاغية .. حبك جراح
مدادها قتل السماح
الوعود .. العهود .. غلاك
عشتها وياك هلاك..
وأنت جراحي منتهاك .. تترجاك!
وأنت ولا كفاك!!

*******************

كل ورده أشمها
أعيشها مع نفسي عذر
أتخيلك وأضمها..
وكل لحظة أهمها
أشوفها بعيون البشر
نبضة ..وقلب يضمها
لحظه يتيمة من أمها .. ما أذمها
وشلون اذم لحظة سعادة
عشتها بمحض إلارادة
يا هي.. يساويها الألم
يا هي.. تئن من الندم
لحظة تحدتني وهم
تعيد الحلم نور
يغشى محياها السرور
.. لحظة سلاك!!
بتعاندك حب .. تتحداك!
يا طاغية.. بصورة ملاك!
يا طاغية .. قلبي نساك!!
.
.